നീ..

നീ..
എന്നെ ഞാനാക്കുന്ന, ഒരു അനിവാര്യതയാക്കുന്ന ...
നനുത്ത സ്പര്‍ശം !
നീ പൊട്ടിച്ചിതരുമ്പോള്‍ പോലും എന്നെ തുടച്ചു നീക്കാതെ,
ഓരോ നുരുങ്ങില്‍ നിന്നും പുനജ്ജനി തരുന്ന മാന്ത്രിക കണ്ണാടി.

മൂങ്ങകള്‍

                    

                    സ്വപ്‌നങ്ങള്‍ മൂങ്ങകളെപ്പോലെയാണ്

                    രാത്രികളില്‍ വന്നു പതുങ്ങിയിരിക്കും 

                    ഉള്ളിരുട്ടിന്റെ വന്യതകളിലേക്ക്

                    വെള്ളാരംകണ്ണുകള്‍പായിക്കും

                    ഓര്‍മകളുടെ മന്ത്രവാദിനികള്ക്കരികില്‍

                    ഉറങ്ങാതെ കാവലിരിക്കും 

                    നഷ്ടങ്ങളുടെ ഉറക്കപ്പിച്ചുകളെല്ലാം

                    ഉറക്കെ മൂളിക്കൊണ്ടിരിക്കും

                    പിന്നെ,

                    ജീവിതത്തിന്റെ പകല്‍നേരങ്ങളില്‍ 

                    മറവിയുടെ ചിറകുകള്‍ കുടഞ്ഞ്‌  

                    നിങ്ങളെ കൂട്ടാതെ 

                    പറന്നു പറന്നു പോകും .....